Guide

JD: https://sites.google.com/kayaguides.com/kayaguideshiring/job-details

Application Link: https://forms.gle/rvj4m6fdmAYBnKES8

About Kaya Guides

Kaya Guides ek project hai Development Consortium NGO ka. Humara maksad hai India ke youth ke depression ko kam karna, especially jin tak aksar care pahuch nahi paata. Yeh digital mental health program ek adaptation hai World Health Organisation (WHO) ke kaafi asardaar guided self-help program ka.

• Hum WhatsApp chatbot ke zariye 8 weeks tak participants se judte hain - ye program bilkul free hai.
• Hindi mein videos dekh kar participants depression kam karne ke tareeke sikhte hain
• Har week, ek dedicated Guide (yaani ki aap!) participant ko 15 min ke liye support call karte hain

Hum ek fast-growing startup hain aur hamara plan hai desh bhar ke laakhon yuvaon tak pahuchana jinhe mental health care ki zaroorat hai. Humara team culture hai fun, informal and ek positive badlaav laane se powered.

Guide's Role

Guides ka role Kaya ke program mein behad zaroori hai, kyunki unke kaam se hi participants techniques gehrai se samajh paate hain, supported mehsoos karte hain aur program end tak complete kar paate hain.Guide har hafte humare participants ke saath 15-min ki baatcheet karte hain aur unhein program complete karne mein acche se support karte hain.

Guide banne ka matlab hai ki aap un logon ki zindagi par seedha asar daalenge jo apni mental health ko lekar mushkil samay se guzar rahe hain. Research yeh dikhati hai ki self-help programs ke saath agar human support add kiya jaye, toh depression aur bhi zyada kam hota hai.

Guide's Responsibilities

• Participants ke saath 15-minute ke weekly phone calls pure program ke dauran
• Participants ko support karna aur motivation badhana
• Self-help techniques se judi confusion dur karna
• Safety je jude concerns (jaise ki suicidal khayal) identify karke Clinical Supervisor ko report karna
• Participants ko chatbot chalne ke technical errors mein madad karna

Logistics, tracking and documentation

• Har call ke liye zaroori notes banana Kaya CRM par
• Track karna ki calls ke outcomes kya hue (complete or missed)
• Protocol ke according participant ko wapas callbacks karna
• Daily schedule manage karna based on fixed calls and callbacks - depending ki unke outcomes kya hue

Additional Duties

• Kaya ke platform pe WhatsApp chats padhna aur technical errors report karna
• Iss position ke liye saari training attend karna
• Weekly supervision mein challenging cases share karna
• Weekly team meeting pe program updates discuss karna
• Take on special projects

What You Will Gain

Humari ye Guide position kaafi interesting hai aur kabhi kabhi emotionally challenging bhi! Aur iss kaam mein aap akele nahi honge, aap ki great guide team, supervisor aur team leaders ka saath milegi jo ki social impact ke liye passionate hain.

Iss kaam ke zariye aapko kaafi kuch sikhne ka mauka milega, jaise ki:

• Basic psychosocial support kaise karte hain
• Depression ko reduce karne wale highly evidence-based techniques kya hote hain
• Suicidality jaise risks ke kya signs hote hain aur hum kaise isko identify kar sakte hain
• Chunautiyon ke saamne kaise hum apne andar ke empathy and compassion ko banaye rakh sakte hain
• High-pressure situations mein shant aur calm kaise rehte hain
• Ek packed schedule ko kaise efficient aur organised tareeke se manage karte hain
• WhatsApp chatbot kaise kaam karta aur ek digital program mein aur kya tech tool use hote hain

Ye role aapke liye sahi rahegi agar:

• Agar aap apne early-career mein ho ya
• Break ke baad wapas join kar rahe ho
• Remote work hi chahiye
• Impact field ya non-profit space mein career grow karna chahte ho jaise ki Mental health, Social work, Counselling
• Aap ki dilchapsi Digital delivery, Tech organisations, Youth ke saath kaam ya Start-up mein kaam karna hai

Preferred Profile

Language: Native-level fluency in Hindi

Education: Graduation - Koi bhi subject ho sakta hai, bas aapki interest mental health mein zaroor honi chahiye!

Work: Koi bhi work experience jahan aapne kisiko emotional support diya ho

Logistics:

• Ghar pe ek private space hona jahan se aap kaam kar pao
• Khud ka laptop ya computer hona
• Stable internet connection at home

Characteristics

• Mature, friendly and different cultures ko samajh paana
• Kind, empathetic, non-judgmental, aur ek achha listener hona
• High pressure mein kaam karne ki ability
• Program protocol ko samjhte hue kaam kar paana jaise ki advice nahi dena ya counselling nahi karna
• Highly detail-oriented hote hue jo ek complex schedule ko manage kar paaye
• Confident using computers and learning new technology
• Case notes bana paana
• Excellent communication skills: Seedhi, sateek baatcheet ka andaz jahan aap session ke agenda aur logon ki zarooraton mein tal-mel baitha paao

Role Structure and Pay

Commitment: Full-time

Contract Structure: Annual consultant contract with Development Consortium aur 3 mahine ka probation period

Location: Work from Home

Start Date: Humari hiring rolling basis pe chalti rahegi (26th Jan to 10 Feb).

Work Days and Timing: Guides ke paas shaam mein 5 pm - 9 pm samay hona chahiye Tuesday, Wednesday aur Thursday me se kinhi 2 din; aur 4 ghante ki weekend availability (Saturday, Sunday or both). Baaki samay standard working hours honge (9 am to 5 pm).

Remuneration: 20,000 INR per month (18,000 INR in-hand amount aur 2,000 INR TDS*)

*Agar ye aapki only income hogi to income tax return file karne pe har mahine ka TDS aap wapas refund ho jayega.